أفريقيا بلوس
إسبانيا الحقودة فاقت و خدات قرارها باش تجلب اليد العاملة الفلاحية المتخصصة في جني الفرولة والفواكه الحمراء ورعي الأغنام من دولة الهندوراس بأمريكا الوسطى .
لكن الفيدرالية الإسبانية للمزارعين، والجمعية الوطنية الإسبانية لكسابي الأغنام، ما تقبلاتش القرار و رفضات تجلب يد عاملة من حد الدنيا، بحجة أن غير ثمن تذاكر الطائرة ذهابا وإيابا من وإلى بلادهم كتساوي ثلاث أشهر من أجرتهم كعمال موسمين، بالإضافة إلى أن العقد لي غادي تبرم الجمعية مع اليد العاملة الفلاحية من دولة بعيدة كل هاد البعد ملزوم عليهم المدة ديالو تكون من تسعة أشهر حتى ثمانية عشرة شهراً بالإقامة ديالها والأكل والما والضو، وهذا كيتعتابر غالي بزاف عليهم، عكس اليد العاملة المغربية لي كانوا كيستاعنوا بها في موسم الجني بعقد من ثلاث أشهر حتى ستة أشهر فقط، مع إمتيازات عديدة .
على هاد الحقد ديالكوم والفهامة الزايدة ديالكوم حتى المغرب موجد ليكم ضربة جهد من ضربة الفلاحة و لي هي ضربة الحواتة، العقد القادم الذي سيبرم من أجل السماح للسفن الأوروبية بالصيد في المياه الإقليمية المغربية، المغرب غادي تعقدوا مع دول منفردة خارج إطار الإتحاد الأوروبي لي بدا كي تفكك بخروج بريطانيا، باش يسهل عليها تسقط بعض الدول من إستفادة سفنها من الصيد في مياهنا الإقليمية مثل ألمانيا او إسبانيا
الجيل الحالي موحال يعقل على حجم الإضرابات والشغب ديال الحواتة والصيادة في إسبانيا، الوقت لي كيحبس عليهم المغرب الصيد فالمياه ديالو الإقليمية…، المهم هاهي الفرصة باش تشوفها قربت .
يتبع…
قم بكتابة اول تعليق