الصوحافية دنيا الفيلالي وفضيحة الماستر الوهمي في العلوم السياسية/ مكاين غا جيب يا فم وقول!

محمد بنهيمة _ أفريقيا بلوس ميديا

الطريق إلى الدكتوراة هكذا ختمات الصوحافية دمية الفيلالي تدوينة ليها على موقع “إكس” واللي كانت كتبرح فيها بأنها نالت شهادة الماستر فالعلوم السياسية، إيه أ اليام الماستر طاح عليه البق حتى ولاو أمثال الفيلالي يشدوه.

وبغض النظر على صحة الخبر من كذبه و أنا أرجح كفة الكذب، كيفاش أ دنيا سنة 2023 علنتي العودة ديالك للدراسة  و 2024 خديتي الديبلوم؟ كي درتي ليها و انت فـ19 أبريل من نفس السنة عاودتي نشرتي تدوينة وقلتي أعود للدراسة بعد غياب دام لسنة  ولتحضيري الماستر؟ واش هاد الديبلوم عندك كيتشد بالشهورا و لا بالكانة أولا هاد الجامعة و لا المعهد وكالة من غير بواب كتوقفي وقتما بغيتي و ترجعي ليه وقتما بغيتي؟.

ماعلينا حنا ماشي سوقنا، علنتي لمتابعينك من الجارة الشرقية على حصولك على الماستر، ولكن ماقلتيش ليهم أشمن جامعة تخرجتي منها و هذا كيخلينا نزيدو نرجحو كفة مكاين لا ديبلوم لا سيدي زكري، إضافة لهاد شي كامل منشرتيش لينا صورة للديبلوم  ولا لحفل التخرج إكتفيتي بتدوينة مكتوبة  بالذكاء الإصطناعي و صافي.

و على ذكر الكتابة كيفاش وحدة شدات ديبلوم فالعلوم السياسة، و ماقدراش تعبر على الفرحة ديالها بالديبلوم و كتسنى من AI GPT يكتب بشرى نجاح بالفرنسية؟ مع العلم انها ماشي شي حاجة غريبة و منتظرة منك خصوصا ملي  إتفكرت ديك الفرنسية الملاوطة لي كنتي كتهضري بها إنت و الزوج ديالك فـTV5، وهذا إن دل غيدل على ان اللغة ديالك باقي ماترقعاتش، أخطاء النحو لي كنتي درتي يخليوني نتسائل  كيفاش قريتي هاد الماستر و بشمن لغة أختي واش كان معاك شي مترجم غير بناتنا هادشي ؟

الماستر فالعلوم السياسية و ماقدراش تكتبي جملة مفيدة، راه السياسة كاملة غير هضرة و خطابات.

و الحصول و مافيه حبذا لو انك تقني اللغة بعدا عاد Ti pou dicidi de peursuivre tes étides en doctorat.