أفريقيا بلوس ميديا/ تحرير: محمد بنهيمة
علاش هاذ الحملة ضد عبد اللطيف حموشي وشكون من وراءها ،علاش بالضبط حموشي وعلاش ماشي الفتيت لي هو وزير الداخلية…
لي داير هاد الحملة و لي من وراه معروفين..واحد سرباي في كندا حاقد على كلشي، بمن فيهم راسو، كيحركوه واحدين حاقدين اكثر منو..حاقدين على البلاد والعباد.. همهم يشوفو مغرب مرون و مخربق، لا أمن لا أمان لا سلم لا سلام..
تيقوا بيا كون كان حموشي فقط مدير الأمن الوطني مكانتش تكون ضدو هاذ الحملة ، ولكن مع مدير حتى ديال مراقبة التراب الوطني، كيدهم جوج مؤسسات كبار، ومع عدبهم ومرضهم في حياتهم دايرين عليه هاذ الحملة ، عينهم في المخابرات ماشي الأمن فهمتو.
واخا أسيدي وسؤال للمغاربة واش في نظركم واحد النوع لي عايشين معانا وكتشوفوهم وكتشوفوا الشر ديالهم، من غير دوك لي عايشين برَّا و كينفدو اجندات خارجية، تخايلوا كون مكينش الأمن و الاستخبارات اشغادي يوقع ، وفكر بعقلك وفهم علاش هاذ الحملة على هاذ السيد لي كيتعتابر أحسن مدير عام في تاريخ المملكة…
المهم الله يحفظ هاذ السيد والله يسهل عليه والله يحفظ بلادنا من شر الخلق الله يدومها نعمة الأمن والأمان والاستقرار…
عاشت المملكة المغرببة الشريفة ولا عاش من خانها.
قم بكتابة اول تعليق