Afriquia plus
بالنسبة للناس للي كايسولونا فالخاص علاش ماحطيت تاشي تدوينة او رد بخصوص مسألة الاعلان على معيار الانتقاء هو النقطة (اللي خرج البارح) راه فما يخص مسألة الأمن الوطني كاين خطوط حمراء لا يجب على أي أحد تجاوزها ووجوب احترامها كيفما بغا يكون.. المديرية العامة للأمن الوطني كيف كاتعرفو كيف العادة تفاعلات بسرعة مع كل الردود والتدوينات اللي جاو من المترشحين على مواقع التواصل الاجتماعي (طبعا حيت المراقبة تجري على كل صغيرة وكبيرة وحتى اللي ممكن تبان لك نت حاجة عادية ) حول الاستياء من معيار الانتقاء اللي هو النقطة ..من بعد ما دفعو .. المديرية جاوبات و ضحات باللي هاد المسألة لا تعتبر انتهاك لحق المترشحين كونها ديجا شارت فالاعلان على مباراة الامن الوطني 2019 .. هو بصح ما حددوش شنو هو هاد المعيار بالضبط لكن كان لازم اول حاجة الانتقاء يعني النقطة ربما غير حيت المترشحين جاتهم جديدة واعتابروها ظلم ..لكن المديرية ردات باللي هاد المعيار مايمكن لحتى شي وحد يحددو او يقرره إلا بقرار من المدير العام للأمن الوطني (كيف شارو ليها ديجا فالاعلان د المباراة) وبلي مايمكنش يتحدد هاد المعيار إلا من بعد ما يتسجلو المترشحين لي هوما “ليفيكتيف” وعلى هاد الأساس عاد ممكن يتحدد “البريم” نقطة الانتقاء شحال ..ونفس شي اللي دارت حتى تسجلو المترشحين وشافو العدد والنقط عاد حددو المعيار .
المهم من هادشي كامل خطيوكم من الإحباط وعدم الرضا واللوم راه ماتمشي غير فين مشاك الله ورزقك كااايعرف عنوانك وبصراحة هادي راه مسألة إجابية مقارنة مع الاعوام اللي فاتو ..من الديبار كاتعرف راسك واش مقبول ولا ولا ماشي بحال الاول تقدر تخسر فلوس وتبقى تسنى شحال وانت مبهم وقاتلك غا الشك واش انا مقبول ولا لا ..دابا لا في أي مرحلة غايتم الاعلان على اللي مقبول وعلى اللي لا وهكذا أحسن .. خليوكم إجابيين واللي ماتقبلش بالنسبة للحراس بسبب النقطة العام الاخر يعاود باك ليبر ويدير جهدو ويجيب كتر تا حاجة ما مستحيلة طبعا إلى كان عندو إلحاح كبير يدخل لهاد الضومين ..وبالارادة والصبر والتفاؤل كايتحقق كولشي و واحد المتل كايقول تحرك دير فحياتك حاجة ماتسناش الذهب تبيضو لك الدجاجة..خيرها فغيرها اللي مكتابة مرحبا واللي مامكتاباش من الخير ..تقدر بإلحاحك وصبرك واجتهادك تحقق حلمك وتكون أعلى رتبة فالبوليس وممكن بنفس الطريقة تكون أعلى رتبة وتحقق ذاتك فحاجة وفضومين أخر ..فقط قلب على راسك انت فين ممكن تعطي وفين ممكن جهدك يوصلك ..وماتنساوش “رزقك يعرف عنوانك”..الله يوفقكم ويسر لكم مع كامل احترامي وتقديري .
قم بكتابة اول تعليق