فؤاد علي الهمة.. المخلص للوطن وماشي لعب فالأكاذيب

هاد الرجل الوطني، اللي خدام بكل أمانة وصدق، عطى أكثر مما يقدر يقيّلو الكلام، المشاريع، الاستراتيجيات الاجتماعية والاقتصادية، المبادرات الكبيرة، كلها كتبين باللي المغرب عندو ناس كيخدمو فعلاً وماشي غير ديكور.

ولكن كيفما العادة، كاين اللي كيشوف النجاح ديال الآخرين وما عجبوش الحال، وكيختار يسبح فالماء العكر، ينشر الشائعات، ويحاول يشكك فالوطنية ديال ناس ما عندهوم حتى غرض غير الفوضى، هاد الخونة بالداخل والخارج خصهم يعرفو حاجة وحدة: الوطنية ماشي كلمات على تويتر أو فايسبوك، الوطنية هي خدمة وتضحيات ونتائج على الأرض.

فؤاد علي الهمة كيبين كل يوم باللي الوطنية هي فعل، مشي شعار كيتقال، وأن المجهودات ديالو، والمبادرات اللي كيقودها، والاهتمام بكل صغيرة وكبيرة فتنمية الوطن، كتثبت بالملموس أن المغرب ما فيهش البلاصة للكسالى والمروّجين للشائعات.

اللي باغي يشوه صورته راه خصو يعرف: القافلة مستمرة، والنجاحات كيتراكمو، واللي كينبحو فالهواء ما يوصلو والو، كل مشروع كيتم، وكل خطوة للأمام كتأكد باللي فؤاد علي الهمة كيمثل الوطنية الحقيقية.

وفالأخير، هاد الرجل يستاهل كل الشكر والثناء على المجهودات اللي كيبدلها بدون توقف، وعلى إخلاصه للوطن اللي كيعتزو بيه كل مغربي، الرسالة واضحة لكل اللي كيشككو فالوفاء للوطن: المغرب تحت القيادة ديال جلالة الملك، واللي واقف معو من الوطنيين الأوفياء، ما يتأثرش بالشائعات، وما توقفش عجلة التنمية بسباب الضجيج ديالكم.

القافلة كتمشي، والخدمة مستمرة، والنتائج كتهدر بلسانها، واللي باقين فالشك والشائعات غير ضايعين فالمرايا ديال الأكاذيب ديالهم: الوطن يصنعو المخلصين، وماشي المتطفلين على الوطنية.