(ح.ب) ينعث نساء المغرب بالعاهرات… والمحامون والجمعيات في عطلة صمت! واش هادي هي محاربة التفاهة؟ {+فيديو}

—بقلم: هيئة التحرير__أفريقيا بلوس ميديا_ شراكة نشر صفحة: أجي تشوف لايف_عين الصحافة

صحفي استنكاري/نداء مفتوح

المدعو (ح.ب)، المعروف ب(لالاسمحلي)، خرج علينا وصف نساء المغرب بـ**”العاهرات ويمارسن الد.عا.رة”** على منصة شوش ميديا، وهاشي ماشي كلام عابر، راه عندو تسجيلات صوت وصورة عند جريدة أفريقيا بلوس ميديا وصفحة عين الصحافة، اللي كتثبت هاد التصريحات القذرة اللي مسات شرف كل امرأة مغربية.

دابا السؤال اللي كيسول الجميع: فين هما المحاميين اللي كيهدروا على “محاربة التفاهة”؟ علاش ما رفعوش حتى شكاية ضد هاد الشخص اللي مهين النساء علنًا؟ وتشوفو بعض الجمعيات، كترفع شكايات النفقة ضد الرجال بسرعة البرق، ولكن ملي كيتمس شرف نساء المغرب كاملين كيبقوا صامتين. واش هادي هي محاربة التفاهة؟ إذا ماشي، فشنو نسميو هاد الشي؟

والموضوع ماشي غير قانوني، راه شخصي ووطني في نفس الوقت. المرأة اللي تسبات ماشي شي وحدة مجهولة، راه هي أمي، وأمك، وأختك، وزوجتك، رمز الاحترام فكل بيت مغربي. ملي كنسمحو باش يهينوها، ماكنحميوش غير حرية التعبير، كنسمحو للتحريض والإهانة باش ياخذو الضوء الأخضر.

(ح.ب) ما هاجمش شي وحدة بوحدها، راه عمّم الإهانة على نساء المغرب كاملين، وأخطر حاجة هي أن هاد التعميم كيزرع الاحتقار والكراهية. واللي ساكت على هاد الشي، سواء كان محامي ولا جمعية ولا فاعل حقوقي، راه مشارك فالخطأ والأخلاقية ديالو ناقصة.

المغاربة اليوم خاصهم يسولو: واش كرامة النساء فعلاً خط أحمر، ولا غير شعار كيتهدر فالفايسبوك؟ واش محاربة التفاهة هي مطاردة الضعفاء وترك اللي كيهين الملايين بلا حساب؟ الصمت هنا ماشي حياد، راه انحياز فاضح.

هاد الملف ما غاديش يسكت عليه التاريخ، والتاريخ ما كيحشمش على المتواطئين. الكرة دابا فالملعب ديال اللي كيهدروا على الدفاع على المرأة ومحاربة التفاهة: يا إما يتحركو قانونيًا وحقوقيًا، يا إما يعترفوا أن الشعارات ديالهم غير كلمات فارغة بلا قيمة.